சென்னை: தயாரிப்பாளர் சங்கத் தேர்தலில் தலைவராக தேனாண்டாள் பிலிம்ஸ் முரளி வெற்றி பெற்றுள்ளார்.

2020-22ஆம் ஆண்டிற்கான தமிழ்த் திரைப்படத் தயாரிப்பாளர்கள் சங்கத்துக்கான தேர்தல் நவம்பர் 22ஆம் தேதி தேர்தல் நீதிபதி ஜெயச்சந்திரன் தலைமையில் நடைபெற்றது.

சென்னை அடையாறு எம்.ஜி.ஆர். ஜானகி கல்லூரியில் கடும் போலீஸ் பாதுகாப்பு இடையே நேற்று நவம்பர் 23ஆம் தேதி காலை 8 மணிக்குத் தொடங்கிய வாக்குப்பதிவு, மாலை 4 மணி வரை நடைபெற்றது. தயாரிப்பாளர் சங்கத்தில் மொத்தம் 1,303 வாக்குகள் உள்ளன. அதில் 1,050 வாக்குகள் பதிவாகி இருந்தன. இந்த தேர்தலில் மொத்தம் 26 பதவிகளுக்கு நிர்வாகிகள் போட்டியிட்டனர்.

முதலில் எண்ணப்பட்ட தலைவருக்கான வாக்குகளில் தேனாண்டாள் பிலிம்ஸ் முரளி 557 வாக்குகள், டி.ராஜேந்தர் 388 வாக்குகள், பி.எல்.தேனப்பன் 88 வாக்குகள் பெற்றனர். 17 வாக்குகள் செல்லாதவையாக அறிவிக்கப்பட்டன. இதனைத் தொடர்ந்து தலைவராக தேனாண்டாள் பிலிம்ஸ் முரளி வெற்றி பெற்றதாக அறிவிக்கப்பட்டது.

துணைத்தலைவர் தேர்தலில் முரளி அணியைச் சேர்ந்த ஆர்.கே.சுரேஷ் 475 வாக்குகளும், சுயேட்சையாக போட்டியிட்ட கதிரேசன் 425 வாக்குகளும் பெற்று துணைத் தலைவர்களாக தேர்ந்தெடுக்கப்பட்டனர்.

பொருளாளராக முரளி அணியைச் சேர்ந்த சந்திர பிரகாஷ் ஜெயின், செயலாளர் பதவிக்கு அதே அணியைச் சேர்ந்த ராதாகிருஷ்ணனும், டி.ராஜேந்தர் அணியைச் சேர்ந்த மன்னனும் வெற்றி பெற்றுள்ளனர்.

பிற செய்திகள் சின்னத்திரை நடிகை சித்ரா தூக்கு போட்டு தற்கொலை பிரபல வசனகர்த்தா, நடிகர், இயக்குனர் ஈரோடு சவுந்தர் காலமானார் நடிகை ஜெயசித்ராவின் கணவர் காலமானார் திரைப்பட தயாரிப்பாளர் சங்கத் தேர்தல் முடிவு : முழு விவரம் சிம்புவின் ‘ஈஸ்வரன்’ பட டீசர் இன்று அதிகாலை வெளியானது நடிகை தமன்னாவுக்கு கொரோனா - மருத்துவமனையில் அனுமதி பிக் பாஸ் 4 பிரம்மாண்ட துவக்க விழா - நேரடி தகவல்கள் எஸ்.பி.பி உடல் முழு அரசு மரியாதையுடன் இன்று நல்லடக்கம் நகைச்சுவை நடிகர் வடிவேல் பாலாஜி திடீர் மரணம் நகைச்சுவை நடிகை வித்யுலேகா ராமனின் நிச்சயதார்த்தம் முடிந்தது

செய்தி கோப்புகள்: 2020 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி | 2019 - டிசம்பர் | நவம்பர் | அக்டோபர் | ஆகஸ்டு | ஜூன் | மார்ச் | பிப்ரவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்