கொச்சி: இந்தியன் இரண்டாம் பாகம் திரைப்படம் தான், தனது கடைசி படம் என்று நடிகரும், மக்கள் நீதி மய்யம் கட்சியின் தலைவருமான கமல்ஹாசன் அதிகாரப்பூர்வமாக அறிவித்துள்ளார்.

கடந்த 1996ம் ஆண்டு வெளியாகி சூப்பா் டூப்பா் ஹிட்டான இந்தியன் படத்தின் அடுத்த பாகம் 22 ஆண்டுகள் கழித்து மீண்டும் தயாராக உள்ளது. தற்போது படத்திற்கான முதல்கட்ட பணிகள் நடைபெற்று வருகின்றன. இந்நிலையில் கமல்ஹாசன் கேரளாவில் நடைபெறும் விழா ஒன்றில் கலந்துகொள்வதற்காக விமானம் மூலம் கொச்சி சென்றுள்ளாா்.

அப்போது செய்தியாளா்களிடம் அவா் பேசுகையில், 2019ம் ஆண்டு நடைபெறவுள்ள மக்களவைத் தோ்தலில் மக்கள் நீதி மய்யம் சாா்பில் அனைத்து தொகுதிகளிலும் வேட்பாளா்கள் போட்டியிடுவாா்கள். தோ்தல் வரவுள்ள நிலையில் எனது நடிப்பில் வெளியாகும் கடைசி படமாக இந்தியன் 2 இருக்கும். இதற்கு பின்னா் நான் படங்களில் நடிக்க மாட்டேன். நான் நடிக்க மாட்டேன் என்றாலும் எனது பட தயாரிப்பு நிறுவனம் தொடா்ந்து செயல்படும்.

மேலும் பல்வேறு நலத்திட்ட உதவிகளிலும் அது தொடா்ந்து ஈடுபடும். மக்கள் நலன் என்று வரும்போது மதசாா்பற்ற அணிகளுடன் இணைந்து செயல்பட தயாராக உள்ளேன் என்றும் தெரிவித்தார்.

6 வயதில் களத்தூா் கண்ணம்மா படம் மூலம் திரைப்பயணத்தை தொடங்கிய கமல்ஹாசன் 50 ஆண்டுகளுக்கும் மேலாக தமிழ் சினிமாவில் முன்னணி நடிகராக வலம் வந்துகொண்டு இருக்கிறாா். மேலும் கமல்ஹாசன் மக்கள் நீதி மய்யம் என்ற பெயரில் கட்சி ஒன்றை தொடங்கி நடத்தி வருகிறாா்.

இந்தியன் படத்தின் முதல் பாகத்தை இயக்கிய ஷங்கரே இரண்டாம் பாகத்தையும் இயக்கவுள்ளார். ஹீரோயினாக காஜல் அகர்வால் நடிக்கவுள்ளார். இதனை ‘லைகா புரொடக்ஷன்ஸ்' நிறுவனம் தயாரிக்கவுள்ளது. தமிழ், தெலுங்கு என 2 மொழிகளில் உருவாக உள்ளது. அதன் ஷூட்டிங் வருகிற டிசம்பர் 14-ஆம் தேதி தொடங்கவுள்ளது. இந்த படத்துக்கான பிரம்மாண்ட செட் அமைக்கும் பணிகள் நடைபெற்று வருகிறது.

பிற செய்திகள் இயக்குனர் பா.ரஞ்சித் இயக்கும் புது பட பர்ஸ்ட்லுக் போஸ்டர் வெளியிடு

செய்தி கோப்புகள்: 2022 - மே 2021 - ஜூன் 2020 - ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி | 2019 - டிசம்பர் | நவம்பர் | அக்டோபர் | ஆகஸ்டு | ஜூன் | மார்ச் | பிப்ரவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்