சென்னை: கமல் நடிப்பில் வெளியாகவுள்ள விஸ்வரூபம்-2 படத்தை திரையிட அனுமதிக்கக்கூடாது என சாய்மீரா பட நிறுவனம் தாக்கல் செய்த மனுவை சென்னை உயர்நீதிமன்றம் தள்ளுபடி செய்துள்ளது.

நடிகர் கமல்ஹாசன் தயாரித்து நடிக்கும் விஸ்வரூபம் 2 படம் இம்மாதம் 10 தேதி வெளியாக உள்ளது. இப்படத்திற்கு தடை கேட்டு பிரமிட் சாய்மீரா நிறுவனம் ஐகோர்ட்டில் கடந்த 2-ம் தேதி மனு தாக்கல் செய்தது.

2008-ம் ஆண்டு மர்மயோகி படத்தின் தயாரிப்பு பணிகளுக்காக கமல்ஹாசனுக்கு ரூ.6.90 கோடி வழங்கப்பட்டது. அத்துடன் படத்திற்கு கதை, திரைக்கதை, வசனம் எழுதி நடிப்பதற்காக கமல்ஹாசனுக்கு ரூ.4 கோடி கொடுக்கப்பட்டது. ஏற்கெனவே ரூ.6.90 கோடி கேட்டு சாய்மீரா நிறுவனத்தால் தொடரப்பட்ட வழக்கு நிலுவையில் உள்ளது.

இந்நிலையில் ‘மர்மயோகி’ படத்திற்கு கொடுத்த சம்பளம் ரூ.4 கோடியை வட்டியுடன் சேர்த்து ரூ.5.44 கொடுக்க வேண்டும். இல்லையென்றால் ‘விஸ்வரூபம் 2’ படத்தை வெளியிடத்தடை விதிக்க வேண்டும் என புதிய மனுவை சாய்மீரா நிறுவனம் தாக்கல் செய்தது.

கமல்ஹாசன் சார்பில் தாக்கல் செய்யப்பட்ட மனுவில், பிரமிட் சாய்மீரா நிறுவனம் ரூ.4 கோடி மட்டுமே கொடுத்ததாகவும், அந்த பணம் மர்மயோகி படத்தின் ஆரம்பகட்ட பணிகளுக்கு செலவிடப்பட்டதாக கூறப்பட்டுள்ளது.மர்மயோகி படத்துக்கு வேறு தயாரிப்பாளர் கிடைத்ததும் அந்த பணத்தை திருப்பி வழங்கிவிடுவதாகவும் தெரிவிக்கப்பட்டிருந்தது.

இதனை அடுத்து, விஸ்வரூபம் படத்துக்கு தடை விதிக்க முடியாது என கூறிய நீதிபதிகள் மனுவை தள்ளுபடி செய்தனர்.

இதையடுத்து நாளை (ஆகஸ்டு 10) அன்று கமலின் விஸ்வரூபம் 2 வெளியாவதில் இருந்த கடைசி சிக்கலும் நீங்கியது.

பிற செய்திகள் இயக்குனர் பா.ரஞ்சித் இயக்கும் புது பட பர்ஸ்ட்லுக் போஸ்டர் வெளியிடு

செய்தி கோப்புகள்: 2022 - மே 2021 - ஜூன் 2020 - ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி | 2019 - டிசம்பர் | நவம்பர் | அக்டோபர் | ஆகஸ்டு | ஜூன் | மார்ச் | பிப்ரவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்