நாளை முதல் திரையரங்குகள் இயங்கும்: அபிராமி ராமநாதன் கடைசியாக புதுப்பிக்கப்பட்டது : மார்ச் 22, 2018, 20:40 [IST] தமிழக அமைச்சர்கள் கடம்பூர் ராஜு மற்றும் கே.சி.வீரமணியுடன் தமிழ்நாடு திரையரங்கு உரிமையாளர்கள் கேளிக்கை வரி ரத்து உள்ளிட்ட கோரிக்கைகளை வலியுறுத்தி பேச்சுவார்த்தை நடத்தினர். இதையடுத்து திரைப்பட வர்த்தக சபைத் தலைவர் அபிராமி ராமநாதன் விரைவில் அடுத்த கட்ட பேச்சுவார்த்தை நடைபெறும் என்றும், நாளை முதல் திரையரங்குகள் இயங்கும் எனவும் தெரிவித்தார். தங்களின் கோரிக்கையை தமிழக அமைச்சர்கள் விரைவில் நிறைவேற்றுவதற்கு உறுதியளித்ததாக அபிராமி ராமநாதன் மேலும் தெரிவித்தார். 8 சதவீத கேளிக்கை வரியை ரத்து செய்வது. பராமரிப்பு கட்டணம் உள்ளிட்ட பிரச்சினைகள் தொடர்பாக கடந்த 16-ஆம் தேதி முதல் சென்னையை தவிர அனைத்து இடங்களிலும் படங்கள் திரையிடப்படவில்லை. |