கவிஞர் பா.விஜய் 1974 ஆம் ஆண்டு அக்டோபர் மாதம் 20ஆம் நாள் கோயமுத்தூரில் பிறந்தார். இவர் தந்தையார் பெயர் வி. பாலகிருஷ்ணன் (கோவை தேசிய பஞ்சாலை நிறுவனத்தில் ஸ்பின்னிங் மாஸ்டராக பணியாற்றியவர்). தாயார் பெயர் சரஸ்வதி (கோவை மாநகராட்சி பள்ளி ஆசிரியை). இவரின் சொந்த ஊர் கும்பகோணம் அருகில் உள்ள உட்கோட்டை ஆகும். இவர் 1978 முதல் 1980 வரை பாலர் பள்ளியிலும் 1980 முதல் 1985 வரை எம்.சி.ஆர்.ஆர். நாயுடு பள்ளியிலும், 1986 முதல் 1990 வரை சபர்பன் மேல்நிலைப்பள்ளியிலும் 1990 முதல் 1992 இராமலிங்கம் செட்டியார் மேல்நிலப் பள்ளியிலும் கல்வி கற்றார். 1994 முதல் 1996 வரை அண்ணாமலைப் பல்கலையில் அஞ்சல் வழியில் பி.லிட். பட்டம் பெற்றார். 2003 முதல் 2005 வரை தமிழில் முதுகலைப் பட்டம் பெற்றார். இயக்குனர் கே. பாக்யராஜ் அவர்களின் ஞானப்பழம் படத்தில் முதலில் பாடலாசிரியராக அறிமுகமானார். இதுவரை சுமார் 300 படங்களுக்கு மேல் பணியாற்றி உள்ளார். இதுவரை 800க்கும் மேற்பட்ட பாடல்களை எழுதியுள்ளார். ஆட்டோகிராப் படத்துக்காக எழுதிய ஒவ்வொரு பூக்களுமே என்ற பாடலுக்காக 2004 ஆம் ஆண்டுக்கான சிறந்த பாடலாசிரியர் தேசிய விருதை பெற்றுள்ளார். தமிழக முதல்வர் கலைஞர் திரு. மு.கருணாநிதி அவர்கள் வித்தகக் கவிஞர் என்ற பட்டம் வழங்கி பாராட்டியுள்ளார். காப்பிய கவிஞர் வாலி அவர்கள் தமது கலையுலக வாரிசாக பா.விஜய் அவர்களை அறிவித்து பெருமையளித்துள்ளார்.


சினிமா எக்ஸ்பிரஸ் விருது - 2000
தமிழ்நாடு திரைப்படச் சங்க விருது - 2001
ராஜ் டி.வி. உழைப்பாளர் விருது - 2001
வெரைட்டி விருது - 2001
பாலர் ஜூனியர் சேம்பர் விருது - 2001
லயன்ஸ் கிளப் கவிச்சிற்பி விருது - 2002
தில்லி தமிழ் சங்க கலா குரூப் விருது - 2002
சர்வதேச தமிழ் திரைப்பட மலேசிய விருது விழாவில் சிறந்த பாடலாசிரியருக்கான விருது - 2003
வெற்றித் தன்னம்பிக்கையாளர் விருது - 2003
சன் பீம் கல்வி நிறுவன விருது - 2003
ட்ரைனிட்டி விருது - 2004
பாட்டருவி விருது - திருவள்ளுவர் மன்றம் கர்நாடகம் - 2004
தன்னம்பிக்கையாளர் விருது - 2004
த.மு.எ.ச. துறைமுகம் விருது - 2004
தேசிய விருது - 2004
தில்லி தமிழ் சங்க கலா குரூப் விருது - 2005
பாரத் அசோசியேஸன் விருது - 2005
ஆலந்தூர் பைன் ஆர்ட்ஸ் விருது - 2005
எம்.ஜி.ஆர்.-சிவாஜி விருது - 2005
சென்னை நண்பர்கள் விருது - 2005
வெரைட்டி விருது - 2005
தினகரன் விருது - 2005
பிலிம் டுடே விருது - 2005

---

---

---

இணைய பக்க முகவரி: http://www.tamilthiraiulagam.com/lyricists/pavijay.html

---

பதிப்புரிமை © 2007 தமிழ்திரைஉலகம்.காம்.
அனைத்து உரிமைகளும் பாதுகாக்கப்பட்டவை.
இந்த வலைதள பக்கத்தில் உள்ள தகவல்களை பதிப்பிக்கவோ,
ஒலிபரப்பவோ, வெளியிடவோ அல்லது விநியோகிக்கவோ கூடாது.

---