சிம்பு, சனாகான், பிரபு, சினேகா, பொன்வண்ணன், நெடுமுடிவேணு, கருணாஸ், சந்தானம்

மதி

யுவன் சங்கர் ராஜா

சரவணன்

லக்ஷ்மி மூவி மேக்கர்ஸ்

     சிலம்பாட்டம் ஒரு சராசரிக் கதை. அதுவும், அக்ரஹாரப் பின்னணியோடு தந்தையைக் கொன்றவனை மகன் பழிவாங்குகிற கதை.

     கோயில் அர்ச்சகராக இருக்கும் அம்மாஞ்சி அம்பி சிம்பு ஒரு கட்டத்தில் ரௌடிகளை எதிர்கொள்ளும் சூழல் உருவாகிறது. அப்போது ஜெயிலிலிருந்து வெளியேவரும் பிரபு, சிம்புவைத் தேடி வருகிறார். அங்கே தொடங்குகிறது பிளாஸ்பேக். பங்காளிச் சண்டையில் பிளாஸ்பேக் முடிவில் உயிரை விடுகிறார் சிம்பு. அதிரடி சிம்புவுக்கும் அம்மாஞ்சி சிம்புவுக்கு உள்ள தொடர்பை சொல்லும் சிலம்பாட்டம்.

     எந்த நோக்கத்தில் சினேகாவுடன் ஜோடி சேர்ந்தாரோ அது முழுமையாகவே நிறைவேறியிருக்கிறது சிம்புவுக்கு. அவரும் வாங்கின காசுக்கு வஞ்சனையில்லாமல் காட்ட வேண்டிய எல்லை வரை கவர்ச்சி காட்டியிருக்கிறார். ஒரு சிம்புவின் இம்சையே தாங்க முடியாது. இதில் இன்னொரு சிம்பு வேறு.

     எதையோ நினைத்து எங்கோ இடிப்பது போல, தேவையே இல்லாமல் ரஜினியை வேறு தாக்குவதாக வசனம்.

     படம் முழுக்க ஆபாச வசனங்கள் நெடி தாங்க முடியவில்லை.

     சனாகான் பாவாடை தாவணியில் மிளிர்கிறார். பாடல்களில் கவர்ச்சி காட்டுகிறார்.

     பிரபு, பொன்வண்ணன், நெடுமுடி வேணு போன்ற பிரமாதமான நடிகர்களை வீணடித்திருக்கிறார்கள்.

     கருணாஸ் வரும் சில காட்சிகள் கைத்தட்டல் பெறுகின்றன.

     இந்தப் படத்தின் ஒரே ஆறுதல் யுவன் சங்கரின் இசை. மதியின் கேமரா நன்றாக இருக்கிறது. பாடல்களின் காட்சியமைப்பு அத்தனை நன்றாக இல்லை.

     சிலம்பாட்டம் மெச்சும்படி இல்லை.

---

---

இணைய பக்க முகவரி: http://www.tamilthiraiulagam.com/films/2008/silambattam.html

---