சாந்தனு, இஷிதா, வேதிகா

ஆண்ட்ரூ-இராசாமதி

ஏ.ஆர். ரஹ்மான்

கலாபிரபு

தாணு

     சாந்தனு வசதியான குடும்பத்தில் பிறந்த எதற்கும் கவலைப்படாத வாலிபன். அவனுடைய நண்பர்களும் பணக்கார குடும்பத்தைச் சேர்ந்தவர்களே. கல்லூரியில் சேரும் சாந்தனு அங்கு இஷிதாவை காதலிக்கிறார். அவரும் சாந்தனுவை காதலிக்கிறார். இடையில் முறைப்பெண் வேதிகா கதையில் நுழைகிறார்.

     சாந்தனு-வேதிகாவின் தாற்காலிக சந்திப்பு இஷிதாவுக்குள் சந்தேகத்தை விதைக்கிறது. அத்தை மகள், காதலி இருவருக்குமிடையே போராடுகிறார் சாந்தனு. இறுதியில் இஷிதாவும், வேதிகாவும் ஒருவரை ஒருவர் புரிந்து கொண்டு இருவருமே ஒருவர் மற்றொருவருக்கு சாந்தனுவை விட்டுத் தருகிறார்கள். கடைசியில் யாருடன் சேர்கிறார் சாந்தனு என்பதே படத்தின் இறுதிக்காட்சி ஆகும்.

     இயக்குனர் மற்றும் நடிகர் பாக்யராஜின் மகன் சாந்தனு அவருடைய சாயல் சிறிதுமின்றி அறிமுகமாகியுள்ள படம் இது. முதல் படத்திலேயே துள்ளல் நடனம் மற்றும் துறு துறு நடிப்பின் மூலம் நம்மைக் கவர்கிறார். இஷிதாவுக்கும், வேதிகாவுக்கும் நடிப்பதற்கு வாய்ப்புகள் குறைவுதான்.

     ஏ.ஆர்.ரஹ்மானின் இசையில் பாடல்கள் சக்கரக்கட்டி. அதிலும் 'டாக்சி...டாக்சி...' பாடல் எங்கும் ஒலிக்கிறது.

     ஆண்ட்ரூ-இராசாமதியின் ஒளிப்பதிவு பரவாயில்லை.

     முதல் படத்திலேயே ஆக்ஷன் அதிரடி என்று இறங்காமல் காதலை கதையைத் தந்திருக்கும் இயக்குனர் கலாபிரபு, பட்டணத்து நாகரீகம், ஆங்கில வசன மோகம், போன்றவற்றை குறைத்து, கதையிலும், திரைக்கதையிலும் மேலும் கவனம் செலுத்தியிருந்தால் படம் இன்னும் சிறப்பாக இருந்திருக்கும்.

---

---

இணைய பக்க முகவரி: http://www.tamilthiraiulagam.com/films/2008/sakkarakatti.html

---