கருணாஸ், கார்த்திகா, நாசர்

வெங்கல் ரவி

வி.டி. விஜயன்

தினா

சிவசண்முகன்

சன் பிக்சர்ஸ்

     பந்தயத்தில் திடீரென்று யாரும் எதிர்பார்க்காத வகையில் ஓடி ஜெயிப்பதை கருப்புக் குதிரை என்பார்கள்.

     தமிழ் சினிமாவில் அப்படி ஒரு கருப்புக் குதிரைதான் திண்டுக்கல் சாரதி.

     கதாநாயகனாக கருணாஸ் நடித்துள்ள முதல் படம். அவரது உருவத்தை மட்டுமே மையப்பட்டுத்தி எடுக்கப்பட்டுள்ள அர்த்தமுள்ள படம் இது.

     அச்சகம் நடத்தும் சாரதி நிறத்தில் கருப்பு. அந்தக் கறுப்பு மனதிலும் தங்கிவிடுகிறது, தாழ்வு மனப்பான்மை உருவில்.

     மகா கறுப்பியாக உள்ள பெண்கள் கூட கட்டிக்கொள்ளத் தயங்கும் சாரதியை அழகான ஒரு சிவப்புப் பெண் மணக்க இசைகிறார்.

     தான் கருப்பாக, சுமாராக இருப்பதால் வந்த தாழ்வு மனப்பான்மை, மனைவி மீதான அனாவசிய சந்தேகமாக மாறுகிறது.

     இந்த சந்தேக புத்தியால் அவதிப்படும் சாரதி தனது உள்ளப் பிரச்சினைகளிலிருந்து எப்படி நல்ல இல்லத்தரசனாக மாறுகிறார் என்பது க்ளைமாக்ஸ்.

     கருணாஸுக்காகவே பார்த்துப்பார்த்து தைத்த சட்டை மாதிரி கச்சிதமாகப் பொருந்துகிற ரோல் இது. அருமையாகச் செய்திருக்கிறார. யாருமே நல்ல வாய்ப்பு வரும்போதுதான் பிரமாதமாக ஜொலிக்க முடியும் என்பதற்கு கருணாஸ் ஒரு எடுத்துக்காட்டு.

     கார்த்திகா இயல்பாக நடித்திருக்கிறார்.

     நாசர் உள்பட, மற்ற நடிகர்கள் எல்லாருமே அருமையாகச் செய்திருக்கிறார்கள்.

     ஒவ்வொரு காட்சியிலும் இயக்குநரின் அபார நம்பிக்கை தெரிகிறது. ஒரிஜினல் மலையாளக் கதையான வடக்கி நோக்கி யந்திரம் தந்த தெம்பு அது.

     தினாவின் பாடல்கள் சுமார்தான்... ஆனாலும், சன் டிவி விளம்பரங்கள் செய்த மாயாஜாலம் அவற்றையும் ஹிட்டாக்கியிருக்கின்றன.

     புதிய இயக்குநர் சிவசண்முகனுக்கு நல்ல எதிர்காலமிருக்கிறது.

     வரவேற்க வேண்டிய படம். சொல்லப்போனால் சன் பிக்சர்ஸுக்கு முதல் வெற்றிப் படம் இதுதான்!

---

---

இணைய பக்க முகவரி: http://www.tamilthiraiulagam.com/films/2008/dindukkalsarathy.html

---