சங்கீதா, பிரேம், கோட்டா சீனிவாசராவ், கிரீஷ் கர்னாட், ஆசிஷ் வித்யார்த்தி, கருணாஸ், எம்.எஸ். பாஸ்கர்

தோட்டாதரணி

சீனிவாஸ் தேவாம்சம்

இளையராஜா

ஜி. சிவா

எஸ்.கவுசல்யா ராணி

     சூழ்நிலை ஒன்றால் விபச்சாரத்திற்கு தள்ளப்படும் தாசி சங்கீதா. உடம்பை விற்று சம்பாதிக்கும் பணத்தைக்கொண்டு ஏழைகளுக்கு உதவி செய்யும் இரக்க குணம் கொண்டவர். படிப்பதற்காக ஐதராபாத் போகும் ஆச்சார குடும்பத்தை சேர்ந்த பிரேம், அங்கே சங்கீதாவின் மேல் காதல் கொள்கிறார்.

     முதலில் பிரேமின் காதலை மறுக்கும் சங்கீதா பிறகு காதலுக்கு ஒரு நிபந்தனை விதிக்கிறார். ஆச்சாரம் மிகுந்த பிரேமின் குடும்பத்தினர் தாசி என்று தெரிந்தும் தன்னை ஏற்றுக்கொண்டால் திருமணம் செய்துகொள்வதாகவும் இல்லையெனில் தன்னை தன் வழியில் விட்டுவிட வேண்டும் என்கிறார்.

     ஜோதிடர் கோட்டா சீனிவாசராவ் தனம் வீட்டுக்கு வருவது நல்லது என்று கூறுவதை நம்பி சங்கீதாவை பிரேமின் குடும்பமும் ஏற்றுக் கொள்கிறது.

     இதற்கிடையில் சங்கீதாவை அடைய முயல்கிறார் கோட்டா. அதற்கு அவர் சம்மதிக்கவில்லை. இந்நிலையில் சங்கீதாவுக்கு குழந்தை பிறக்கிறது. அன்றுமுதல் பிரேம் குடும்பத்தில் நஷ்டத்துக்கு மேல் நஷ்டம். குடும்ப ஜோதிடர் கோட்டா சீனிவாசராவ், 'குழந்தையை கொன்றால்தான் எல்லோரும் உயிர் பிழைக்க முடியும்' என்று பயமுறுத்துகிறார். மூடநம்பிக்கையில் மூழ்கிய பிரேம் குடும்பத்தினர் குழந்தைக்கு கள்ளி பால் ஊற்றி கொல்கின்றனர்.

     இதையறிந்த சங்கீதா அந்த குடும்பத்தையும் ஜோதிடரையும் எப்படி பழி தீர்க்கிறார் என்பதே கதையின் முடிவு.

     நெற்றி நிறைய பொட்டு, உதட்டில் சிவப்பு சாயம், வாயில் வெற்றிலைச் சீவல், இறக்கி கட்டிய சேலை, ஒய்யார நடை என பார்த்தவுடன் பற்றிக்கொள்ளும் அழகுடன் சங்கீதா, படத்தை முழுவதும் தாங்கிப் பிடிக்கிறார். கைகளை உயிரே தூக்கி சோம்பல் முறித்தபடி கஸ்டமர்களை பிடிக்கும் அவரது ஸ்டைல் அலாதி. தனது குழந்தையை கொன்றவர்களை பழிவாங்க முடிவெடுத்து, அதை நிறைவேற்றும் நேரத்தில் ராணி மாதிரி உட்கார்ந்து ஒரு சிரிப்பு சிரிக்கிறாரே, அசத்தல். இன்னும் சற்று யதார்த்தமாக நடித்திருந்தால் விருதை எதிர்பார்க்கலாம்.

     சங்கீதாவின் காதல் கணவராக வரும் பிரேமின் கதாப்பாத்திரத்தில் யதார்த்தம் குறைவு. கல்யாணத்திற்கு பிறகு அவரது படிப்பு என்ன ஆயிற்று? வேலைக்கு ஏதும் முயற்சிக்கிறார்? என்ற கேள்விக்கெல்லாம் விடையில்லை.

     ஐநூறு ரூபாய் சேர்த்து எப்படியாவது சங்கீதாவை அடைந்து பணக்காரனாகி விடவேண்டும் என்று எண்ணும் கருணாஸின் செயல்கள் சிரிப்பூட்டுகிறது.

     கோட்டா சீனிவாசராவ், கிரீஷ் கர்னாட், ஆசிஷ் வித்யார்த்திஆகியோர் பாத்திரத்திற்கு ஏற்ப நடித்துள்ளனர்.

     ஜீவாவின் ஒளிப்பதிவு கதைக்கு பலமூட்டுகிறது. ஸ்ரீனிவாஸ் தேவாம்சம் ஒளிப்பதிவு அருமை. இளையராஜாவின் இசையில் 'கண்ணுக்கு என்ன வேண்டும்' என்ற பாடல் மட்டும் நன்றாயிருக்கிறது.

     இயக்குனர் சிவா திரைக்கதையில் மேலும் கவனம் செலுத்தி, முன்பாதி லாஜிக் சறுக்கல்களை தவிர்த்திருந்தால், ஒரு சிறந்த படமாக இருந்திருக்கும்.

---

---

இணைய பக்க முகவரி: http://www.tamilthiraiulagam.com/films/2008/dhanam.html

---

© 2007 தமிழ்திரைஉலகம்.காம்  பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்