கமல்ஹாசன், அசின், மல்லிகா செராவத், ஜெயப்ரதா, நாகேஷ், நெப்போலியன், சந்தான பாரதி

கே.தணிகாசலம்

தோட்டாதரணி, சமீர் சந்தா, எம்.பிரபாகரன்

ரவிவர்மா

வாலி, வைரமுத்து

தேவி ஸ்ரீபிரசாத்

ஹிமேஷ் ரேஷமியா

கமல்ஹாசன்

கே.எஸ். ரவிக்குமார்

ஆஸ்கார் ரவிச்சந்திரன்

     இந்தியப் பிரதமரும் அமெரிக்க அதிபரும் தமிழக முதல்வரும் கலந்து கொள்ளும் விஞ்ஞானி ஒருவருக்கு நடக்கும் பாராட்டு விழாவில், விஞ்ஞானி பெருமாள் சிலை ஒன்றைப் பற்றிப் பேசுகிறார். பிரபஞ்சத்தில் வெவ்வேறு இடங்களில் நடக்கும் ஒன்றுக்கொன்று தொடர்பற்ற நிகழ்வுகள் உண்மையில் ஒன்றையொன்று பாதிக்கக்கூடும் என்னும் அறிவியல் கோட்பாடு (கயாஸ் தியரி) குறித்து விளக்கும் அவரது உரையினூடே விரிகிறது தசாவதாரம் கதை.

     பன்னிரெண்டாம் நூற்றாண்டிற்கு செல்கிறது கதை. ரங்கனாதரின் சிலையை அகற்ற வந்த சிவ பக்தனான ராஜா குலோதுங்க சோழனின் (நெப்போலியன்) படை வீரர்களுடன் சண்டையிடுகிறார் ரங்கராஜன் நம்பி(கமல்). ராஜா "சிவாய நமஹ" என ஓத ஆணையிட்டும் கூற மறுத்த நம்பி "ஓம் நமோ நாராயணா" எனக் கூற சிலையோடு ஜலசமாதி அடைகிறார்.

     மறுபடியும் 21-ஆம் நூற்றாண்டுக்கு வருகிறது கதை. அமெரிக்க விஞ்ஞானி கமல் கோடிக்கணக்கான உயிர்களை அழிக்கக்கூடிய வைரஸ் ஒன்றைக் கண்டுபிடிக்கிறார். அதைக் கடத்தித் தீவிரவாதிகளிடம் விற்க முயல்கிறார் விஞ்ஞானிகளின் தலைவர். அதைக் காப்பாற்றும் / கைப்பற்றும் முயற்சியில் நடக்கும் களேபரங்களில் தவறுதலாக இந்தியாவுக்கு வந்துவிடுகிறது வைரஸ். அதைத் துரத்திக்கொண்டு வரும் விஞ்ஞானி கமலும் வில்லன் கமலும் மோதிக்கொள்கிறார்கள். விஞ்ஞானியைத் தீவிரவாதி என்று நினைத்துப் போலீஸ் துரத்துகிறது. இதற்குள் நடைபெறும் சம்பவங்களில் ஒன்பது விதமான கதாபாத்திரங்கள் வந்து நம்மைப் பரவசப்படுத்துகின்றனர். கடைசியில் திரைக்கதை சுனாமியில் முடிகிறது. நூற்றாண்டுகள் கழித்து விஷ்ணு சிலை புரண்டு வந்து முதல் காட்சிக்கான நியாயத்தை நிலைநாட்ட முயல்கிறது.

     ரங்கராஜ நம்பி, கோவிந்த் சோமையா, அவ்தார் சிங், பலராம் நாயுடு, கிறிஸ்டியன் பிளெட்சர், சிங்கென் நரஹாஷி, ஜார்ஜ் புஷ், பூவராகவன், கிருஷ்ணவேணி பாட்டி, கலிபுல்லா கான் என படம் முழுக்க கமல் நீக்கமற நிறைந்திருக்கிறார்.

     இருவேடங்களில் அசின் வந்தாலும் பிராமண பெண் மாத்திரம் கச்சிதம். இசையமைப்பாளர் ஹிமேஷும், ரீரெகார்டிங் செய்துள்ள தேவி ஸ்ரீபிரசாத்தும் அருமையாக செய்திருக்கிறார்கள். ரவிவர்மாவின் ஒளிப்பதிவு கண்ணுக்கு குளிர்ச்சி. தோட்டாதரணியின் கலைவேலைப்பாடுகள் கண்ணையும் கருத்தையும் கவர்கின்றது.

     கமலின் பத்து அவதாரங்களும் நன்கு வெளிப்படும்படி படத்தை அருமையாக செதுக்கியிருக்கும் கே.எஸ்.ரவிக்குமாரும், பணத்தை தண்ணீராக செலவழித்துள்ள தயாரிப்பாளர் ஆஸ்கார் ரவிச்சந்திரனும் பாராட்டப்பட வேண்டியவர்கள். மொத்தத்தில் கமலின் திரையுலக வரலாற்றில் இப்படம் ஒரு மைல்கல்.

---

---

இணைய பக்க முகவரி: http://www.tamilthiraiulagam.com/films/2008/dasavatharam.html

---

பதிப்புரிமை © 2007 தமிழ்திரைஉலகம்.காம்.
அனைத்து உரிமைகளும் பாதுகாக்கப்பட்டவை.
இந்த வலைதள பக்கத்தில் உள்ள தகவல்களை பதிப்பிக்கவோ,
ஒலிபரப்பவோ, வெளியிடவோ அல்லது விநியோகிக்கவோ கூடாது.

---