சுந்தர்.சி, கோபிகா, பிரகாஷ்ராஜ், சுமித்ரா, தேஜாஸ்ரீ, சந்தானம்

தளபதி தினேஷ்

எம். காசிவிஸ்வநாதன்

கே.எஸ். செல்வராஜ்

நா.முத்துகுமார்

டி.இமான்

பத்ரி

ஹோம் மீடியா புரொடக்ஸன், சுஜாதா விஜயகுமார்

     பிரகாஷ்ராஜ் கண்டிப்பான ஆசிரியர். கணக்கில் புலி. இந்த உலகத்தில் நடக்கும் எல்லாமே ஏதோ ஒரு கணக்கில்தான் அடங்கும் என்பது அவரது தீராத நம்பிக்கை. மகன் சுந்தர்.சி-யை கணக்கில் பெரிய மேதையாக ஆக்கவேண்டும் என்று நினைக்கிறார். ஆனால் மகனுக்கோ அறிவியல் கண்டுபிடிப்புகளில் ஆர்வம். தன் எண்ணத்துக்கு மாறாக மகன் இருக்கிறானே என்று மகனை கடுமையாகத் தண்டிக்கிறார்.

     கணக்கில் நூற்றுக்கு நூறு வாங்காததற்கு மகனை அடிக்க, மகனோ தன்னுடன் ஒப்பிடப்பட்ட மாணவனைக் கையில் குத்திவிடுகிறார். இதை அறிந்த பிரகாஷ்ராஜ் தன் மகனை சிறுவர் சீர்திருத்தப் பள்ளிக்கு அனுப்புகிறார். அங்கிருந்து வெளியே வரும் சுந்தர்.சி கெட்டவனாக வருகிறார். இதனால் மகனை வெறுத்து ஒதுக்குகிறார் பிரகாஷ்ராஜ்.

     வழக்கம் போல் ரவுடி சுந்தர்.சி-யை டீச்சராக அந்த ஊருக்கு வரும் கோபிகா காதலிக்கிறார். சுந்தர்.சி ரவுடி என்பதால் அவரது தங்கை சந்தோஷியின் திருமணம் நின்றுபோகிறது. பிரகாஷ்ராஜ் மீது ஒரு கொலைப் பழியும் விழுகிறது. போராடி உண்மை குற்றவாளியைக் கண்டுபிடித்து, 'நான் ரொம்ப நல்ல ரவுடி' என்பதை நிரூபிக்கிறார் சுந்தர். சி.

     தலைநகரத்தை தொடர்ந்து, சுந்தர்.சி 'நல்ல' ரவுடியாக நடித்திருக்கும் மற்றொரு படம். முன்னதைவிட இதில் சுவாரஸ்யம் குறைவு. கண்டிப்பான அப்பாவாக பிரகாஷ்ராஜ். வழக்கம் போல, நடிப்பில் ஸ்கோர் பண்ணுகிறார். கோபிகாவு கொடுக்கப்பட்ட ஒன்றிரண்டு காட்சிகளையும் நிறைவாக செய்ய முயன்றிருக்கிறார்.

     இரட்டை அர்த்த வசனங்கள் படத்தில் காமெடியைக் கெடுத்து விடுகின்றன. ஒளிப்பதிவு கே.எஸ். செல்வராஜ் அவர் பங்கைச் சரியாகச் செய்துள்ளார். பாடல்கள் வசனநடையில் இருந்தாலும் ரசிக்க வைக்கிறது டி. இமானின் இசை. இயக்குனர் பத்ரி பற்றிச் சொல்ல வேண்டியதில்லை பழைய மாவையே மீண்டும் அரைத்து வெற்றி பெற முயன்றிருக்கிறார்.

---

---

இணைய பக்க முகவரி: http://www.tamilthiraiulagam.com/films/2007/veerappu.html

---

© 2007 தமிழ்திரைஉலகம்.காம்  பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்