ஷக்தி, கெளரி முன்ஜால், ராஜ்கிரண், நாசர், சுகன்யா, வடிவேலு, சந்தானம்

தளபதி தினேஷ்

ஆகாஷ் அசோக்குமார்

வாலி

தோட்டா தரணி

ராஜு சுந்தரம், டி.கே.எஸ். பாபு, நோபில், பாஸ்கர்

யுவன் ஷங்கர் ராஜா

பி. வாசு

சபையர் மீடியா அண்ட் இன்ப்ராஸ்ட்ரக்சர் லிமிடெட்

     டுட்டோரியல் காலேஜ் புரொபசர் தியாகராஜனின் (நாசர்) மகன் ரவி (ஷக்தி), கோடீஸ்வரி பெரிய நாயகியின் (சுகன்யா) மகள் அஞ்சலியைக் (கெளரிமுன்ஜால்) கண்டதும் காதலுறுகிறார். காதலுக்கு வில்லியாக வரும் நாயகியின் கோபக்கார - கோடீஸ்வர அம்மாவிடம் 'அஞ்சலியை மணம் முடிப்பேன்' என்று சவால் விட்டுக் கிளம்புகிறார் ரவி.

     தனது மகளைப் பாதுகாக்க, மும்பையில் தாதாவாகவுள்ள தனது சகோதரர் வரதராஜ வாண்டையாரிடம் (ராஜ்கிரண்) அஞ்சலியை ஒப்படைக்கிறார் பெரிய நாயகி. இரு வீட்டு எதிர்ப்பு, ராஜ்கிரணின் அச்சுறுத்தல் இவற்றையெல்லாம் மீறி ஷக்தி எப்படி புத்திசாலித்தனமாகக் காய் நகர்த்தி காதலியைக் கைப்பிடிக்கிறார் என்பதுதான் முடிவு.

     இயக்குனர் பி.வாசு கதாநாயகனான தன் மகனை பெரிய சாதனை செய்து அசகாய வேலைகள் செய்யும் பாத்திரமாகப் படைக்காமல் புத்திசாலித்தனத்தால் காரியங்களை சாதிக்கும் இளைஞனாகக் காட்டியிருப்பது யதார்த்தம்.

     புதுமுகம் என்று சொல்ல முடியாத அளவுக்கு ஆடலிலும் அதிரடியிலும் நன்கு ஜொலிக்கிறார் புதுமுகம் ஷக்தி. ஷக்தியின் இளமைக்கும் துறுதுறுப்புக்கும் ஈடுகொடுக்க முடியாவிட்டாலும் நாயகி கெளரி முன்ஜாலும் சிறப்பாகவே செய்திருக்கிறார். வரதராஜ வாண்டையாராக வரும் ராஜ்கிரண், தன் இடத்தை உணர்ந்து நடித்திருக்கிறார். வில்லியாக வரும் சுகன்யா தனது கண்களாலேயே கோப உணர்வுகளை சிறப்பாக வெளியிடுத்தியிருக்கிறார். வடிவேலு வழக்கம்போல் காமெடி செய்துள்ளார்.

     யுவனின் இசையில் எல்லாப் பாடல்களிலும் இளமை வழிந்தோடுகிறது. வாலியின் வரிகளில் வாலிபம் எட்டிப் பார்க்கிறது. அசோக்குமாரின் ஒளிப்பதிவும், 'தளபதி' தினேஷின் சண்டைக்காட்சிகளும் படத்துக்கு பலம் சேர்ப்பவை. இயக்குனர் பி.வாசு கதையிலும் திரைக்கதையிலும் சற்று கூடுதல் கவனம் செலுத்தியிருந்தால் படம் இன்னும் சிறப்பாக வந்திருக்கும்.

---

---

இணைய பக்க முகவரி: http://www.tamilthiraiulagam.com/films/2007/thottalpoomalarum.html

---

© 2007 தமிழ்திரைஉலகம்.காம்  பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்