ஜீவா, பாவனா, லால், மணிவண்ணன், போஸ் வெங்கட், சம்பத், கருணாஸ்

வெற்றி, ஆர்.பி.குருதேவ்

என். நிரு

நா. முத்துகுமார், கபிலன், யுகபாரதி

எஸ். செல்வம்

எஸ்.என். ராஜா

     யாழ்பாணத்திலிருந்து அகதியாக ராமேஸ்வரம் வரும் ஜீவா,மணிவண்ணன் குழுவுக்கு தங்க இடம் தருகிறார் லால். சொந்த நாட்டுக்கு திரும்பும் முயற்சியில் இருக்கும் அகதி ஜீவாவை, காதலிக்கிறார் அவர் மகள் பாவனா. இதை லாலும் பாவனாவின் முறைமாமன் போஸ் வெங்கட்டும் எதிர்க்கிறார்கள். ஜீவா மற்றும் நண்பர்கள் மீது பொய் வழக்குபோடுகிறார். நண்பர்களை காப்பாற்ற காதலை தியாகம் செய்ய துணிகிறார் ஜீவா. ஆனால் தற்கொலை செய்யப்போவதாகக் கூறுகிறார் பாவனா. இதை அறிந்த ஜீவா, யாழ்பாணத்தில் நண்பர்களை விட்டுவிட்டு திரும்பிவந்து மணப்பதாக கூறுகிறார். இதற்கிடையில் வெங்கட், பாவனா திருமண ஏற்பாடு நடக்கிறது. சொன்னபடி பாவனாவை மீட்க ராமேஸ்வரம் திரும்புகிறார் ஜீவா. பிறகு என்ன நடக்கிறது என்பது கிளைமாக்ஸ்.

     கண்களில் ஏக்கமும் கோபமும் தெறிக்க, மூடி வைத்த கங்கு போல் கொதித்திருக்கிறார் ஜீவா. ஒரே காட்சியில் இலங்கை தமிழையும் லோக்கல் தமிழையும் கலந்து பேசுகிறார். படம் முழுவதும் வந்தாலும் பாவனாவின் நடிப்பு சுமார் தான். மணிவண்ணன் சில காட்சிகளே வந்தாலும் அடையாளமாக பதிகிறார். வெங்கட்டின் வில்லத்தனம் ரசிக்கலாம். வெங்கட்- ஜீவா மோதும் அந்த சண்டைக் காட்சி, மினி த்ரில்.

     ஆர்.பி.குருதேவின் ஒளிப்பதிவு ஓவியம்! என்.நிரு இசையில் கபிலன் எழுதிய 'எல்லோரையும் ஏற்றி செல்ல கப்பல் வருமா' பாடல் கைதட்டலை அள்ளுகிறது. பின்னணி இசையில் இளையராஜாவின் பழைய படங்களை ஞாபகப்படுத்துகிறார்.

     வழக்கமான காதல் எதிர்ப்புதான் கதை. இலங்கை அகதியின் பின்னணியில் அதை சொல்லியிருப்பதும், அவர்களின் வலிகளை இன்னொரு பரிமாணத்தில் காட்டியிருப்பதும் புதிது. இதற்காக இயக்குனர் எஸ். செல்வத்தை பாராட்டலாம்.

---

---

இணைய பக்க முகவரி: http://www.tamilthiraiulagam.com/films/2007/rameswaram.html

---

© 2007 தமிழ்திரைஉலகம்.காம்  பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்