தனுஷ், திவ்யா, சந்தானம், கருணாஸ், அஞ்சு, பானுப்ரியா, டேனியல் பாலாஜி

வேல்ராஜ்

ஜி.வி. பிரகாஷ் குமார்

வெற்றிமாறன்

எஸ். கதிரேசன் - குரூப் கம்பெனி

     ஒரு பைக்கிற்கு ஆசைப்படும் தனுஷ் வாரத்திற்கு ஒருமுறை ஷோரூமிற்கு சென்று பல்சர் விலையை கேட்டுவிட்டு செல்கிறார். கஷ்டப்பட்டு கடைசியில் பைக் வாங்குகிறார். தன் காதலியைப் போல பைக்கை நேசிக்கிறார். ஒரு சந்தர்பத்தில் அதை ஒரு கும்பல் திருடி செல்கிறது. திருடிய கோஷ்டி அந்த பைக்கில் போதைப் பொருள் கடத்துகிறது. எப்படியாவது பைக்கை அடைந்துவிட தவிக்கும் தனுஷ், அந்த போராட்டத்தில் செய்யும் கொலைகள்தான் முடிவு.

     தாதாவை எகிற வைக்கும் துடிப்பான நடிப்பு, நண்பர்களுடன் கலாட்டா செய்வது, காதலியுடன் 'லவ்'வடிப்பது, பைக் பறிபோய் அலைவது, திருடியது தெரிந்து தீயால் சீறுவது என தனுஷ் நடிப்பில் வித்தியாசம் காட்டியிருக்கிறார் தனுஷ். கல்லூரி மாணவியாக வரும் திவ்யா கவர்ச்சியில் ரசிக்க வைக்கிறார். வசீகரப் புன்னகைகள், சிணுங்கல்கள் என சராசரி தமிழ் கதாநாயகியாக நடித்துள்ளார்.

     தியேட்டரே அதிரும் அளவுக்கு சிரிக்க வைக்கிறார்கள் கருணாசும், சந்தானமும். டேனியல் பாலாஜி, பவன், கிஷோர்குமார் என்று நடுங்க வைக்கும் வில்லன்கள் லிஸ்ட். மலையாள முரளி, பானுப்ரியா, அஞ்சு ஆகியோர் இயல்பாக நடித்துள்ளார்கள்.

     ஒளிப்பதிவாளர் வேல்ராஜ். கடினமாக உழைத்துள்ளார். பிரகாஷின் இசையில் ரீமிக்ஸ் பாடலான 'எங்கேயும் எப்போதும்' ஆட வைக்கிறது.

     தனது இந்த முதல் படத்தில் நிழல் உலகம், ரவுடி ராஜ்யம், போதை மருந்து கும்பல் ஆகியவற்றை படம்பிடித்துக் காட்டியுள்ளார் இயக்குனர் வெற்றிமாறன். வன்முறையைக் குறைத்திருந்தால் படம் இன்னும் நன்றாக இருந்திருக்கும்.

---

---

இணைய பக்க முகவரி: http://www.tamilthiraiulagam.com/films/2007/polladhavan.html

---

© 2007 தமிழ்திரைஉலகம்.காம்  பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்