கார்த்தி, ப்ரியாமணி, சரவணன், பொன்வண்ணன், கஞ்சா கருப்பு

ராஜசேகர்

ஜாக்சன்

ராஜா முகமது

ராம்ஜி

தினேஷ்

சினேகன்

யுவன் ஷங்கர் ராஜா

அமீர்

K.E. ஞானவேல்ராஜா

     இயக்குனர் அமீரின் இயக்கத்தில், யுவன் சங்கர் ராஜா இசையில், அறிமுக நாயகன் கார்த்தி, ப்ரியாமணி, சரவணன், பொன்வண்ணன், கஞ்சா கருப்பு ஆகியோர் நடித்து வெளிவந்துள்ள படம் 'பருத்தி வீரன்'.

     பொன்வண்ணனின் மைத்துனர் தாழ்த்தப்பட்ட ஜாதிக்காரப் பெண்ணுடன் சேர்ந்து சாராய வியாபாரம் செய்கிறார். அவளின் மரணத்திற்குப் பிறகு அவளின் மகளை மணக்கிறார். இதை பொன்வண்ணன் எதிர்க்கிறார். அதனால் தனியே சென்று குடித்தனம் நடத்துகிறார் மைத்துனர். குழந்தையும் பிறக்கிறது. லாரி மோதி மைத்துனரும் அவரின் மனைவியும் இறந்து விட குழந்தை அனாதையாகிறது. அதை எடுத்து வளர்க்கிறார் பொன்வண்ணனின் இளைய மைத்துனர் சரவணன். அந்தக் குழந்தைதான் பருத்திவீரன்.

     பருத்தி வீரனாக வரும் கார்த்தி மற்றும் அவனின் சித்தப்பாவாக வரும் சரவணனின் அட்டகாசத்துடன் படம் துவங்குகிறது. அடிதடி, வெட்டுக்குத்து, சாராயம், சண்டை, கும்மாளம் என டீக்கடை முதல் போலீஸ் லாக்கப் வரை அவர்கள் செய்யும் செயல்கள் ரசிக்கத்தக்கவை. இவற்றுடனே கார்த்தி ப்ரியாமணியிடையே மலரும் காதல். அவர்கள் காதல் வென்றதா, இல்லையா, என்பதுதான் கதை.

     தாரை, தப்பட்டம், தெம்மாங்கு என கிராமிய வாழ்க்கையுடன் இணைந்த ஒரு பதிவை படமாக அளித்திருக்கிறார் அமீர். படத்தின் இறுதிக் காட்சிகளில் யதார்த்தத்தைக் காட்டும்போது பாலுணர்வைத் தூண்டும் விதத்தில் உள்ள காட்சிகள், மற்றும் வன்முறைக்காட்சிகளை தவிர்த்திருக்கலாம் அல்லது வேறு வகையில் படமாக்கியிருக்கலாம். மற்றபடி பல காட்சிகளில் வசனங்களை குறைத்து காட்சிகளில் அழுத்தத்தை காட்டி தமது திறமையை வெளிக்காட்டியிருக்கிறார் இயக்குனர்.

     முதல் படத்திலே கார்த்தி தமது தந்தை நடிகர் சிவக்குமார், அண்ணன் சூர்யா ஆகியோரே வியக்கும் வண்ணம் பருத்திவீரனாக வாழ்ந்திருக்கிறார். முத்தழகுவாக வரும் ப்ரியாமணியிடம் இவ்வளவு நல்ல நடிப்பை வெளிக்கொணர்ந்ததற்கு இயக்குனர் அமீரை பாராட்ட வேண்டும். சரவணன் ஒரு தேர்ந்த குணச்சித்திர நடிகராக மிளிர்கிறார். பொன் வண்ணன் தமது பாத்திரத்தை அறிந்து நடித்திருக்கிறார். கஞ்சா கருப்புவின் நகைச்சுவையில் யதார்த்தம் இழைகிறது.

     ராம்ஜியின் ஒளிப்பதிவு, கிராமத்தை கண்முன் நிறுத்துகிறது. யுவன் சங்கர் ராஜாவின் கிராமிய மணம் கமழும் இசை அருமை. தொடர்ந்து இயக்குனர் அமீர் இது போன்ற பல நல்ல படங்களை எடுப்பார் என நம்புவோம்.

---

---

இணைய பக்க முகவரி: http://www.tamilthiraiulagam.com/films/2007/paruthiveeran.html

---

© 2007 தமிழ்திரைஉலகம்.காம்  பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்