சிபிராஜ், நிலா, பிரகாஷ்ராஜ், ஜாஹிர்

அனல் அரசு

ஜே.என்.ஹர்ஷா

ராஜேஷ் யாதவ்

டி.இமான்

பிரபு சாலமன்

சத்யராஜ்

நாதாம்பாள் பிலிம் பேக்டரி

     லீ என்கிற லீலாதரன் மற்றும் அவனது நண்பர்களுக்கு சிறு வயதிலிருந்தே கால்பந்தாட்டம் என்றால் ஆர்வம். ஆர்வத்தை ஈடுபாடாக்கி வெறியாக தீ மூட்டி வளர்க்கிறார் கோச். கால்பந்துப் போட்டிகளில் சர்வதேச அளவில் சென்று சாதிக்கத் துடிக்கிறார்கள். ஆனால் கல்லூரி நிலையிலேயே அவர்களைத் தடுத்து நிறுத்துகிறார் ரங்கபாஷ்யம்.

     தன் மகனுக்காக திறமைசாலிளான லீ குழுவினரை தன் கல்லூரியை விட்டு விலக்குகிறார். பணபலமும் அரசியல் செல்வாக்கும் பெற்ற ரங்கபாஷ்யம் மத்திய விளையாட்டுத்துறை அமைச்சராகிறார். கல்லூரி முதல்வர், விளையாட்டு மேம்பாட்டு ஆணையம் பொறுப்பு ஆகியவற்றில் இருந்து கொண்டு லீ குழுவினரை வளர விடாமல் வாய்ப்பு கொடுக்காமல் தடுக்கிறார். கோச் அரிய புத்திரனையும் தீர்த்துக் கட்டுகிறார்.

     தங்கள் கனவுகளைக் கலைத்து எதிர்காலத்தைச் சூன்யமாக்கிய ஒருவர், மத்திய அமைச்சரான பின் குமுறுகிறது லீ குழு. அந்தக் கொடிய மிருகத்தைக் கொலை செய்ய புறப்படுகிறார்கள் லீ & நண்பர்கள். முடிவு என்ன என்பதே 'லீ' படம்.

     துப்பாக்கி கலாசாரம் தமிழ் சினிமாவில் கத்திரிக்காய் போல் மலிந்து விட்ட காலத்தில் ஹீரோவும் நண்பர்களும் துப்பாக்கிக்காக கஷ்டப்படுவதாக காண்பித்திருப்பது யதார்த்தம். அதே போல் நண்பர்கள் ஒவ்வொருவரின் குணநலன்களை வித்தியாசப்படுத்திக் காட்டியிருப்பது அருமை.

     இறுக்கமான உடலும் முகமாக வருகிறார் சிபிராஜ். சண்டைக் காட்சிகளில் நிரம்ப உழைத்திருக்கிறார். நிலா வழக்கமான தமிழ் சினிமா கதாநாயகியாக வந்து போகிறார். பிரகாஷ்ராஜ் வழக்கம் போல் அசத்தியிருக்கிறார்.

     இமானின் இசையில் பின்னணி இசை ரசிக்க வைக்கிறது. ராஜேஷ் யாதவ்வின் ஒளிப்பதிவும், ஹர்ஷாவின் எடிட்டிங்கும் பிரமாதம்.

     நல்ல கதையைத் தேர்ந்தெடுத்தவர்கள், திரைக்கதையில் இன்னும் கவனம் செலுத்தியிருக்கலாம்.

---

---

இணைய பக்க முகவரி: http://www.tamilthiraiulagam.com/films/2007/lee.html

---

© 2007 தமிழ்திரைஉலகம்.காம்  பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்