கரண், மீனாட்சி, வடிவேலு, சக்தி குமார்

அனல் அரசு

எஸ். சதீஷ்

ஜே. ஸ்ரீதர்

காதல் கந்தாஸ்

யுகபாரதி

தினா

மூர்த்தி

சேது, வினித் கோகியா, ஆர்.பாலசுப்ரமணியன்

பிரண்ட்ஸ் சினிமா (பி) லிமிடெட்

     ஜெராக்ஸ் என்ற செல்லப் பெயர் கொண்ட கருப்பசாமி (கரண்) மதுரை பேருந்து நிலையத்தில் சைக்கிள் ஸ்டேண்டை குத்தகைக்கு எடுத்து நடத்தி வருகிறார். கூடவே நடன குரூப் ஒன்றையும் நடத்துகிறார். மிமிக்ரியும் செய்கிறார். எதைப்பற்றியும் கவலைப் படாமல் ஜாலியாக வாழ்க்கை நடத்துகிறார்.

     மருத்துவக்கல்லூரி மாணவி ராசாத்தி (மீனாட்சி) கருப்பசாமி ஸ்டேண்டில் தனது சைக்கிளை தினமும் நிறுத்த வருகிறார். அதன் மூலம் இருவருக்கும் நட்பு ஏற்படுகிறது. கருப்பசாமியின் நல்ல நடத்தை பிடித்துப் போக அவன் மேல் காதல் கொள்கிறார் ராசாத்தி. கருப்பசாமிக்கு ராசாத்தி மேல் காதல் இருந்தாலும், படிப்பு தான் முக்கியம் என எண்ணுகிறார்.

     இதற்கிடையே இவர்களின் காதல் குடும்பத்தினருக்கு தெரிய வருகிறது. ராசாத்தியின் படிப்பை நிறுத்த முடிவு செய்கிறார்கள். இதை அறிந்த கருப்பசாமி அவர்களிடம் சென்று அப்படிச் செய்ய வேண்டாமென்று கெஞ்சுகிறான். ராசாத்தியின் பெற்றோர்கள் அவள் படிப்பை தொடர வேண்டுமென்றால் காதலை இழக்க வேண்டும் என்கிறார்கள். வேறு வழியின்றி இதற்கு ஒப்புக்கொள்ளும் கருப்பசாமி, கடைசியில் எப்படி ராசாத்தியை கைப்பிடிக்கிறார் என்பதுதான் படத்தின் கதை.

     கருப்பசாமி பாத்திரமாகவே மாறி திறமையான நடிப்பால் நம்மைக் கவர்கிறார் கரண். புதுவரவு மீனாட்சி மதுரைப் பெண்ணாகவே மாறியுள்ளார். அடுத்தவரின் பணத்தை ஏமாற்றி பறிக்கும் படித்துரை பாண்டியாக வந்து சிரிக்க வைக்கிறார் வடிவேலு.

     தீனாவின் இசையில் இரு பாடல்கள் கேட்கும்படி உள்ளன. மதுரையின் சுற்றுப்புறங்களை நன்கு காட்டுகிறது ஸ்ரீதரின் கேமரா. பல காட்சிகளில் புதுமையாக யோசித்து, அனைவரும் ரசிக்கும்படியாக ஒரு படத்தை தந்திருக்கிறார் இயக்குனர் மூர்த்தி.

---

---

இணைய பக்க முகவரி: http://www.tamilthiraiulagam.com/films/2007/karuppasamykuthagaitharar.html

---

© 2007 தமிழ்திரைஉலகம்.காம்  பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்