நாகேஷின் இயற்பெயர் குண்டுராவ். ஒரு கன்னட பிராமணக் குடும்பத்தில் பிறந்தார். அப்பா கிருஷ்ணராவ், அம்மா ருக்மணி. 1933-செப்டம்பர் 27-ம் தேதி பிறந்தவர். கிட்டத்தட்ட 50 ஆண்டுகளுக்கும் மேலாக திரையுலகில் 1000 திரைப்படங்களுக்கும் அதிகமாக நடித்து சகாப்தம் படைத்தவர் நாகேஷ். கிட்டத்தட்ட 50 ஆண்டுகளுக்கும் மேலாக திரையுலகில் 1000 திரைப்படங்களுக்கும் அதிகமாக நடித்து சகாப்தம் படைத்தவர் நாகேஷ்.

     சமூகத்தில் பெயர் தெ‌ரியும் அளவுக்கு முன்னேறிய பிறகே வீட்டிற்கு வருவேன் என்று கூறிவிட்டுச் சென்னைக்கு வந்தவர் நாகேஷ். முதலில் சிறிது காலம் ரெயில்வேயில் பணியாற்றினார். அப்போது ராமாயணம் நாடகத்தில் முதன்முதலாக வயிற்றுவலிக்காரன் வேஷம் போட்டார். அவரது நடிப்பை கண்டு வியந்து மேடையில் புகழ்ந்து பேசினார் நாடகத்துக்கு தலைமை வகித்த எம்.‌ஜி.ஆர். அதில் துவங்கியது நாகேஷின் நடிப்புப் பயணம்.

     நடித்த முதல் திரைப்படம் மனமுள்ள மருதாராம். பாலாஜி தயாரிப்பில் 1958ஆம் ஆண்டு வெளிவந்த இந்த திரைப்படம் சரிவர ஓடவில்லை.

     சர்வர் சுந்தரம், எதிர்நீச்சல், நவக்கிரகம், அனுபவி ராஜா அனுபவி, நீர்க்குமிழி, சோப்பு சீப்பு கண்ணாடி, போன்ற படங்களில் கதாநாயகனாக நடித்து தன் திறமையை நிரூபித்தவர்.

     மகளிர் மட்டும் எனும் படத்தில் பிணமாகவே நடித்திருப்பார்.

     நம்மவர் படத்தில் சிறப்பாக நடித்ததற்காக தேசிய அளவில் சிறந்த துணை நடிகருக்கான விருது நாகேஷுக்குக் கிடைத்தது.

     ரிதம், மின்னலே, அபூர்வராகங்கள், தீபம், வசூல்ராஜா எம்.பி.பி.எஸ், தசாவதாரம் போன்ற படங்களில் இவரது குணச்சித்திர நடிப்பையும் காணலாம்.

சொந்த வாழ்க்கை
     நாகேஷின் சொந்த வாழ்க்கை தனிமையில் சேகமாகவே கழிந்தது. வேறு மதத்தைச் சேர்ந்த பெண்ணைத் திருமணம் செய்து கொண்டதால் அவர் வீட்டில் இருந்து ஒதுக்கி வைக்கப்பட்டார்.

     புதிதாக வெளிநாட்டுக் கார் ஒன்றை வாங்கிக் கொண்டு தன் தாயை சந்திக்க அவர் ஆசையுடன் சென்றார். ஆனால் அவரால் தாயை சந்திக்க முடியவில்லை. அவர் சென்ற போது அவரது தாயின் இறுதிச் சடங்கு நடைபெற்றுக் கொண்டிருந்தது.

     பிரச்சனைகளுக்கு மேல் பிரச்சனைகளை சந்தித்த நாகேஷ், மகனை பெரிய நடிகனாக்கிப் பார்க்க வேண்டும் என விரும்பினார். இதற்காக மகன் ஆனந்தபாபுவை வைத்து பார்த்த ஞாபகம் இல்லையோ என்ற படத்தை தயாரித்து இயக்கினார். ஆனால் தான் சேர்த்த பணத்தையெல்லாம் இழக்கும் படமாக அது அமைந்துவிட்டது.

     பின்னர் சில படங்கள் நன்றாக ஓடின. ஆனால் அந்த வெற்றிகளை ஆனந்தபாபு சரியாகப் பயன்படுத்திக் கொள்ளாமல், போதைக்கு அடிமையாகி பாதை மாறிப்போனது நாகேஷுன் இதய நோயை இன்னும் தீவிரப்படுத்திவிட்டது.

     நாகேஷுக்கு மூன்று மகன்கள். ஆனந்தபாபு மட்டுமே திரையுலகுக்கு வந்தார். மற்றவர்கள் வேறு தொழில்கள் செய்து வருகின்றனர்.

     தசாவதாரம் படம் ரிலீசின்போது, இதுவே என் கடைசி படமாக இருக்கும் என்றார் நாகேஷ். அதன்பிறகு வேறு படத்தில் நடிக்க அவர் ஒப்பந்தமாகவில்லை என்பது குறிப்பிடத்தக்கது!

---

---

---

இணைய பக்க முகவரி: http://www.tamilthiraiulagam.com/actors/nagesh.html

---

© 2007 தமிழ்திரைஉலகம்.காம்  பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்